Ол курдук колхуостаахтар уопсай мунньахтарынан Уһун Күөл бөһүөлэгин киин сэлиэнньэ оҥорон, Бэрэ, Улахан Күөл, Түөйэ , Дьаарылла бөһүөлэктэрин түмэн Сылаҥ нэһилиэгэ баар буолбут. Бу историческай суолталаах күнү Сылаҥ олохтоохторо сэтинньи 17 күнүгэр А.А.Сивцев аат. сынньалаҥ киинигэр мустан бэлиэтээтилэр. Архив докумуоннарыгар олоҕуран Дьячковскай В.А. суруйбут сценарийынан туруоруллубут театрализованнай көрдөрүү үгүс көрөөччүнү сэргэхситтэ. Бу туруорууга оонньообут эдэр артыыстар, оруолларын чиҥ-чахчы толороннор дьон биһирэбилин ыллылар. Ол кэннэ нэһилиэк баһылыга Егор Иннокентьевич Макаров тахсан дьонун-сэргэтин эҕэрдэлээн, Сылаҥ нэһилиэгин депутаттара бигэргэппит нэһилиэк гербин, былааҕын билиһиннэрдэ. Санатан эттэххэ курэххэ уопсайа 11 киhи кытынна уопсайа 29 Yлэ киирдэ уонна кыайыыла5ынан Москва5а олорор биир дойдулаахпыт идэтийбит художник Мария Петровна Макарова кыайыыла5ынан та5ыста.
